Mbrëmë në Shtëpinë e Kulturës në Kamenicë u mbajt ceremonia e “Ditës së Nderit”, organizuar për herë të parë në Komunën e Kamenicës. Në këtë ngjarje solemne u nderuan personalitete të cilët kanë dhënë kontribut të çmuar në zhvillimin dhe historinë e vendit.
Kryetari i Komunës Kadri Rahimaj në fjalën e tij hyrëse përshëndeti të pranishmit duke thënë se kjo ditë i kushtohet atyre që e ngritën lart krenarinë, identitetin dhe dinjitetin tonë kombëtar.
“Ne nuk jemi mbledhur këtu vetëm për të kujtuar, por për të përkujtuar me nderim dhe për të falënderuar me përgjegjësi institucionale ata që ndërtuan themelet e lirisë, të shtetit dhe të shoqërisë që gëzojmë sot. Dëshmorët e Ushtrisë Çlirimtare të Kosovës janë drita jonë udhëheqëse. Ata nuk dhanë thjesht jetën – ata i dhanë Kosovës përjetësinë e saj. Poashtu sot u japim nderim edhe atyre luftëtarëve të UÇK-së që, pas luftës, nuk u ndalën, por vazhduan ta shërbejnë atdheun përmes TMK-së dhe FSK-së. E sot, me dhimbje, por edhe me nderim, kujtojmë policët e rënë në detyrë – njerëz që i shërbyen rendit, ligjit dhe sigurisë së qytetarëve tanë”, ka thënë ai duke përmendur edhe personalitetet që e mbajtën gjallë arsimin gjatë kohës së okupimit, në shtëpitë e tyre.
“Komuna e Kamenicës po e institucionalizon këtë përkujtim për të treguar se ne nuk e kemi luksin të harrojmë. Ne kemi detyrimin ta bartim kujtesën, t’i edukojmë brezat me shembuj, jo vetëm me fjalë. Dhe shembujt tanë janë të gjallë: ata janë në historinë tonë, në rrugët tona, në flamurin tonë. Kjo ditë nuk është vetëm ceremoni – është angazhim që të ndërtojmë një komunë më të drejtë, më të zhvilluar, më të ndjeshme ndaj nevojave të qytetarëve. Sepse më e mira që mund të bëjmë për dëshmorët dhe për gjithë ata që sakrifikuan, është të jetojmë të lirë, të drejtë dhe të bashkuar”, ka thënë Kryetari Rahimaj.
Me çmimin “Metush Krasniqi” janë nderuar dëshmorët e Kamenicës:
1. Isë Kastrati,
2. Besnik Maroca,
3. Musli Imeri,
4. Avdi Xhaqku,
5. Emin Kryeziu,
6. Selver Kryeziu,
7. Rafet Isufi,
8. Ramadan Kastrati,
9. Agush Isufi,
10. Sabri Krivaqa,
11. Driton Krivaqa,
12. Arsim Isufi,
13. Shemsi Isufi,
14. Rahim Beqiri,
15. Asllan Thaqi,
16. Ismajl Ismajli,
17. Ramadan Sijarina,
18. Ahmet Mehmeti,
19.Xhelal Sopi.
Me çmimin “Emblema e Kamenicës” janë nderuar edhe kontribuesit në UÇK, FSK e TMK:
1.Agim Beqiri,
2. Jeton Zylfiu,
3. Hamit Pireva,
4. Mevlud Fazliu,
5. Nazmi Pireva,
6. Basri Fera,
7. Ekrem Guda,
8. Hevzi Pireva,
9. Kadrush Bojku,
10. Fatmir Maliqi,
11. Selajdin Kastrati,
12. Jeton Dermaku,
13. Vëllezërit Klaiqi.
Me çmim janë nderuar edhe pronarët e shtëpive-shkolla:
1. Adem Morina,
2. Ali Canaj,
3. Bajram Bugaçku,
4. Fatmir D.Maliqi,
5. Fazli Krasniqi,
6. Feti Bushi,
7. Gani Sijarina,
8. Hajdar Ramabaja,
9. Haqif Demolli,
10. Hevzi Morina,
11. Hysen Ramabaja,
12. Ibrahim Devishi,
13. Kadri Morina,
14. Mehmet Selmani,
16. Nazmi Sylejmani,
17. Rexhep Morina,
18. Rrustem Tosku,
19. Ruzhdi Haxhiu,
20. Salih Bucolli,
21. Sejdullah Zubaku,
22. Shaban Bugaçku,
23. Skender Canaj,
24. Xhemajl Limani,
25. Ibrahim Sh. Dervishi.
Me çmimin “Emblema e Kamenicës” janë nderuar edhe policët që kanë rënë në detyrë:
1.Jahi Maliqi,
2.Lazim Rexhepi.
Me titullin “Qytetar Nderi” janë nderuar:
1.Halil Kastrati,
2.Fejzullah Krasniqi.
Me çmimin “Pena e Artë” janë nderuar:
1. Nexhat Rexha,
2.Esma Fera. Çmimi.
Kurse me mirënjohje për kontribut të veçantë, Komuna e Kamenicës ka nderuar:
1.Rahim Rahimaj,
2.Zeqir Lenjani.
Për kontributin e veçantë janë nderuar edhe shoqatat:
1.Shoqata “Firishta” në Karaçevë të Epërme,
2.Shoqata “Kopërnica”,
3.Shoqata “Hogoshti”,
4.Shoqata “Koretini”,
5.Shoqata “Busavata”,
6.Shoqata “Topanica”,
7.Shoqata nga Muçiverci,
8.Shoqata “Hodonoci”.
9.Shoqata “Pajtimi” Karaçevë e Poshtme.
Në kuadër të kësaj dite është bërë edhe promovimi i librit “Kamenica në rrjedha të historisë” që është rezultat i përmbledhjes së punës së bërë në kuadër të konferencës me po të njejtin titull.
