Festivali i teatrit të shkollave të mesme të Komunës së Gjilanit, po vjen më sot me 19 dhe të premten me 20 dhjetor.
Ky festival përkrahet nga Drejtoria për Kulturë, Rini e Sport e Komunës së Gjilanit dhe është organizuar nga Anamour-Cultural Organization.
Një ngjarje artistike që sjell në skenë talentet e reja të teatrit, emocionet e artit skenik dhe përkushtimin e të rinjve në kulturë.
Bashkohuni për të përjetuar magjinë e interpretimit nga nxënësit e Gjilanit.
Sonte me fillim nga ora 18:00 në Teatrin e Qytetit në Gjilanit, luajnë nxënësit e Shkollës së Muzikës dhe Artit Pamor, ata nga Gjimnazi “Skënderbeu” në Preshevë dhe grupi i nxënësve nga Kamenica.
Ndërsa të premten luajnë nxënësit e Gjimnazit të Shkencave Shoqërore “Zenel Hajdini” dhe ata të Shkollës së Mesme Teknike “Mehmet Isai”.
