Fondi i Kursimeve Pensionale në Kosovë, ka publikuar statistikat e aplikimeve për tërheqjen e 10përqindëshit në dy ditët e para.
Sipas këtyre statistikave për tërheqjen e 10% të kursimeve kanë aplikuar 270.046 qytetarë.
Gjithashtu në bazë të këtyre statistikave të publikuara nga Fondi i Kursimeve Pensionale në Kosovë është raportuar se 5 mijë e 779 persona do të marrin nga kursimet deri në 10 euro. 33 mijë e 361 aplikues do të marrin nga 11 deri në 50 euro nga Trusti. 32 mijë e 614 persona do të tërheqin nga 51 deri në 100 euro. 44 mijë e 315 persona do të marrin nga 101 deri në 200 euro. 63 mijë e 964 persona do të marrin nga 201 deri në 500 euro. 51 mijë e 760 persona do të marrin nga 501 deri në 1 mijë euro. 29 mijë e 10 persona do të marrin nga 1 mijë e 1 deri në 2 mijë euro. 6 mijë e 925 persona do të marrin nga 2 mijë e 1 deri në 4 mijë euro. Ndërsa 1 mijë e 318 persona do të marrin mbi 4 mijë euro nga kursimet e tyre në Trust.
