Administrata Tatimore e Kosovës-përkatësisht Divizioni i Lojërave të Fatit, gjatë javës së kaluar ka zhvilluar 30 aktivitete të cilat kanë rezultuar me mbylljen e 11 lokaleve të lojërave të fatit, të cilat aktivitetin e tyre e zhvilluan duke mos iu përmbajtur kritereve të Ligjit për Lojërat e Fatit.
Nga parregullsitë e konstatuara janë lëshuar 13 gjoba, në vlerë prej 54 mijë euro, ku ndër të tjerash është bërë edhe konfiskimi i dy pajisjeve të kësaj veprimtare.
E gjitha kjo sipas ATK-së është mundësuar nga vizitat e rregullta në teren, si dhe nga informacionet e pranuara nga qytetarët.
Tutje ATK ka bërë thirrje në drejtim të qytetarëve që të raportohen rastet ku dyshohet se ushtrohet veprimtaria e lojërave të fatit, jashtë ligjshëm.
