Sot zhvillohen ndeshjet e fundit të sezonit 2024/25 në Superligën e Kosovës në futboll, në një edicion ku kampioni është përcaktuar që katër xhiro para fundit. Drita, skuadra nga Gjilani, tashmë është shpallur kampione dhe sot do të kurorëzohet zyrtarisht me titullin e katërt në histori.
Skuadra e drejtuar nga trajneri Zekirija Ramadanit do të ngrejë trofeun pas përfundimit të ndeshjes së fundit të sezonit, duke vulosur një kampanjë dominuese që ka lënë pak hapësirë për dilema rreth epërsisë së saj në kampionat.
Ndërkohë, vëmendja është përqendruar edhe te lufta për pjesëmarrje në garat evropiane, ku një tjetër skuadër e drejtuar nga Ardian Nuhiu, Gjilani, ende shpreson.
Ekipi gjilanas shpreson në një gabim të Malishevës, teksa vetë do të kërkojë një fitore ndaj Ferizajt për të siguruar një vend në Evropë.
Të gjitha ndeshjet e javës së fundit do të zhvillohen njëkohësisht, me fillim nga ora 16:00, dhe me to do të mbyllet zyrtarisht edicioni 2024/25 i elitës së futbollit kosovar.
