Kadetët e FSK-së sfidojnë të ftohtin dhe borën, përfundojnë me sukses marshimin prej 12.8 kilometrash.
Ministri i Mbrojtjes Ejup Maqedonci, ka njoftuar se kadetët e Forcës së Sigurisë e kanë përfunduar suksesshëm marshimin prej 12.8 kilometrave, që u zhvillua në rrethinën e liqenit të Batllavës.
Maqedonci tha se ata treguan disiplinë dhe vendosmëri, ani pse kushtet atmosferike ishin të rënda dhe temperaturat ishin të ulëta.
“Me disiplinë, vendosmëri dhe një frymë të fortë bashkëpunimi, ata dëshmuan edhe një herë përgatitjen dhe përkushtimin e udhëheqësve tanë të ardhshëm ushtarak”, ka shkruar Maqedonci në profilin e tij zyrtar në rrjetin social Facebook.
Ai u shpreh se është krenar për suksesin dhe shpirtin e tyre të palëkundur.
