Trajneri i Dritës, Zekirja Ramadani, është shprehur i mbushur me emocione pas kualifikimit historik me skuadrën gjilanase, duke ia dedikuar këtë sukses babait të tij të ndjerë.
“Sa isha futbollist, përkrahjen më të madhe e kisha prej tij. Fatkeqësisht, nuk është më në mesin tonë që ta përjetojë këtë moment bashkë me mua këtu te Drita. Me lot në sy këtë sukses ia dedikoj atij, sepse këtë nuk e vendosim ne, por Zoti,” tha i emocionuar Ramadani.
Dedikimi i tij pasqyron lidhjen e fortë shpirtërore me prindin e humbur dhe e bën këtë kualifikim edhe më domethënës për trajnerin dhe familjen e tij./Radio Star/
