Kancelari gjerman Friedrich Merz njoftoi sot se vendi i tij do të dhurojë 29 milionë euro për Gazën.
Ndihma vjen në formën e ndihmës humanitare emergjente për Gazën pasi Izraeli ratifikoi armëpushimin me Hamasin.
“Ne po ofrojmë 29 milionë euro ndihmë humanitare. Së bashku me Egjiptin, do të bëjmë thirrje për një konferencë mbi rindërtimin e Gazës”, tha Merz, raporton Reuters.
Ai shtoi se Gjermania do të marrë përgjegjësinë në procesin e paqes të propozuar nga Presidenti i SHBA-së, Donald Trump. /Reporteri.net/
