Babai nga Kamenica që rrahu për vdekje të birin e tij për një shumë të hollash të cilat ky i fundit i kishte marrë pa lejen e tij, mësohet se ishte lypës i rrugëve. Por, këtë “profesion” Ganiu e ka ushtruar me vite duke mos kërkuar lëmoshë në fshatërat e Kamenicës, por në rajone tjera
Mësohet se Gani Bërnajshi, njëherit edhe i dyshuari për vrasjen e birit të tij, njihej si lypës i rrygëve.
Ndërkohë, burime e njëjta gjithashtu thonë se, pas rrahjes që i bëri të birit deri në vdekje, i dyshuari rrahi edhe vajzën e tij e cila deshi ta mbronte të vëllanë.
Ndërsa, policia thotë se tani për tani i dyshuari në fjalë po merret në pyetje, ndërsa atij do i bëhen edhe disa ekzaminime mjekësore, për të mësuar nëse i njëjti ka pasur çrregullime mendore.
Ndryshe, ngjarja ka ndodhur në orët e vona, mbrëmjen e kaluar. Sipas hetimeve të para dyshohet se motivet e kësaj ngjarje të rëndë janë për shkak se i ndjeri kishte marr të hollat dhe i kishte harxhuar pa dijeninë e prindit të tij
