Janë publikuar pamjet e E.Sadikut, 59 vjeç, i dyshuar për sulmin me thikë ndaj katër kalimtarëve në qytetin e Ferizajt, ngjarje që ndodhi dje.
Në pamjet e publikuara, ai duket duke iu afruar nga pas dy vajzave, të cilat i sulmoi me thikë.
Njëra prej vajzave, vetëm 10 vjeçare, pësoi lëndime të rënda dhe fillimisht ndodhej në gjendje të rëndë, por më pas u raportua se ndodhej në gjendje stabile.
Tre nga të lënduarit janë pjesëtarë të komunitetit joshumicë, ndërsa një prej tyre është shtetas i Shqipërisë.
Pas sulmit, i dyshuari u arrestua nga Policia e Kosovës, por ende nuk dihet motivi që e çoi në këtë akt të dhunshëm.
Autoritetet po vazhdojnë hetimet për zbardhjen e plotë të ngjarjes.
