Sot do të mbajë mot kryesisht i vranët. Gjatë ditës do të rifillojnë reshjet e shiut fillimisht në Dukagjin e pastaj në viset tjera të vendit.
Në perëndim, veriperëndim dhe jug të Kosovës priten reshje të dendura shiu që mund të rëndojnë gjendjen me përmbytjet në ato zona dhe zonat përreth.
Gjatë natës në viset e larta malore do të fillojnë reshje bore.
Nga e mërkura do të ketë stabilizim gradual të kushteve të motit. Do të ketë vranësira dhe intervale kohore me diell, por reshje të lokalizuara do të ketë ende në disa rajone të intensitetit kryesisht të dobët.
