Kryetari i Shoqatës së Transportit Rrugor të Udhëtarëve, Ruzhdi Kurtishaj, ka krahasur çmimet e naftës në Mal të Zi, në Maqedoninë e Veriut dhe në Kosovë.
Përmes një postimi në Facebook, ai tha se në Mal të Zi çmimi i naftës për litër është 1.48 euro, në Maqedoninë Veriore është 1.50 kurse në Kosovë 1.70 euro.
Sipas tij, ndryshimi në çmim prej 22 cent është i madh, duke shtuar se kjo situatë bizneset kosovare po i bën të pabarabarta në tregun rajonal.
“Sot çmimi i naftës për 1 litër është 1.48 në Mal të Zi, 1.50 për një litër në Maqedoni të Veriut e në Kosovë 1.70 euro cent për 1 litër! 22 cent është ndryshim i madh i çmimit për 1 litër naftë, ky ndryshim i madh i çmimit bizneset Kosovare i bën jo të barabartë në tregun rajonal”, shkroi ai./teve1.info/
