Kolonel Elmina Mahmuti drejtor rajonal dhe Nënkolonel Njazi Kolgeci shef i sektorit operativ nga Policia e Kosovës, Drejtoria Rajonale në Gjilan, në përmbylljen e këtij fundviti, kanë ndarë mirënjohje për policë të stacioneve policore të rajonit të Gjilanit të cilët kanë treguar rezultate të larta gjatë vitit që e lamë pas.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se policët u lavdëruan nga udhëheqës rajonal për përkushtimin dhe profesionalizmin e treguar në punët e përditshme.
“Policët e shpërblyer u shprehën se prioritet e tyre mund të arrihet vetëm me një përkushtim dhe vigjilencë duke pas afri dhe bashkëpunim me të gjithë qytetarët tanë”, ka bërë me dije zëdhënësi Hashani.
Hashani tha se Policia e Kosovës punon me përkushtim për krijimin e një ambienti të qetë dhe prosperues për të gjithë.
