Rasti i pazakontë në shkollën fillore të Drobeshit, Viti.
Ndodh edhe kjo: Nxënësit në Viti gjuajtën bankën dhe karriget nga kati i dytë i shkollës
Në shkollat e Kosovës shpeshherë ndodhin raste të pazakonta.
Diçka e tillë ka ndodhur të hënën në një shkollë fillore të komunës së Vitisë, raporton PlusTV.
Nxënësit i gjuajtën nga kati i dytë i shkollës tri karrige dhe një bankë të klasës ku mësojnë.
Rasti ka ndodhur në fshatin Drobesh të Vitisë.
Mësohet se këtë veprim e bënë dy nxënës të klasës së nëntë, gjatë lojës mes tyre.
Incidenti ndodhi dje paradite në kohën e procesit mësimor, ndërkaq në vendin e ngjarjes kishte shkuar edhe policia.
Sipas burimeve brenda shkollës, ndaj dy nxënësve janë marrë masa nga ana e drejtorisë teksa nuk raportohet se u lëndua dikush nga nxënësit kur inventari shkollorë u hodh nga kati i dytë në tokë.
Plus TV ka siguruar pamje nga shkolla në Drobesh, ku shihen tri karriget e lëna në vendin ku u hodhën teksa fëmijët e fshatit thanë se një bankë shkollore është larguar nga mirëmbajtësit./PlusTV/
