Sot janë bërë plot 18 vite që nga vrasja e zyrtarit policorë, heroit, Triumf Riza.
Policia e Kosovës në nder të tij dhe shumë zyrtarëve të tjerë policorë të cilët kanë dhënë jetën heroikisht në krye të detyrës, kanë njoftuar se do të vendosin memoriale për secilin prej tyre.
Sot, në 18 vjetorin e rënies heroike të zyrtarit policorë, Triumf Riza, u vendos gurthemeli i memorialit në Dardani, në vendin ku ai dha jetën e tij, shkruan Gazeta10.
Pjesëmarrës në këtë ceremoni, përveç familjarëve të tij, ishin edhe udhëheqës e personalitete të larta. Kryeministri në detyrë i Republikës së Kosovës, z. Albin Kurti, ministri i Punëve të Brendshme në detyrë, z. Xhelal Sveçla, dhe drejtori i Përgjithshëm i Policisë së Kosovës, kolonel Gazmend Hoxha, eprorë të PK-së, bashkë me familjarë, bënë homazhe pranë pllakës përkujtimore kushtuar heroit Triumf Riza.
Qytetarët e Republikës së Kosovës e posaqërisht Policia e Kosovës, me përkushtim, nder dhe respekt do ta kujtoj gjithmonë heroin Triumf Riza dhe të gjithë zyrtarët e rënë në krye të detyrës, shembëlltyra e tyre është udhërrëfyes për pjesëtarët e Policisë së Kosovës.
