Numri i qytetarëve me të drejtë vote, emrat e të cilëve janë të shpërndarë në 903 qendra të votimit me 2533 vendvotime është 1,970,944. Për herë të parë do të votojnë 125 mijë e 852 të rinj. KQZ njofton të gjithë qytetarët se mund të votojnë edhe nëse u ka skaduar afati në letërnjoftimet e tyre.
Të dielën e 9 janarit, për herë të parë do të votojnë 125 mijë e 852 votues. Ndërmjet dy proceseve zgjedhore, këta shtetas të Kosovës kanë mbushur 18 vjeç sipas të dhënave të KQZ në listat e votuesve.
KQZ- do të shtyp 323,218 apo 15.57% fletëvotime më pak se numri i votuesve.
Kjo praktikë e ndjekur nga KQZ është ndjekur edhe në proceset e kaluara zgjedhore.
Numri i qendrave të votimit të cilat do të hapen të dielën e 9 shkurtit është 941, prej të cilave 903 për votimin e rregullt me gjithsej 2,533 vendvotime dhe 38 qendra të votimit për votimin me kusht (nga një për çdo komunë) me gjithsej 56 vendvotime.
Numri i qytetarëve me të drejtë vote, emrat e të cilëve janë të shpërndarë në 903 qendra të votimit apo në 2,533 vendvotimet e tyre, është: 1,970,944.
Sipas vendimit të KQZ-së, numri i përgjithshëm i anëtarëve që do të angazhohen në 2,533 Këshillat e Vendvotimeve të rregullta është më shumë se 12 mijë, ndërkaq, ndërkaq më shumë se 200 anëtarë do të angazhohen në 56 Këshillat e Vendvotimit në të cilat do të zhvillohet votimi me kusht.
Rikujtojmë se ligji i ri për Zgjedhjet e Përgjithshme ka ndryshuar edhe aspektin e numërimit të fletëvotimeve. Në ditën e zgjedhjeve, në vendvotime do të numërohet vetëm pjesa e fletëvotimit ku qytetarët kanë votuar për subjektet politike. Kjo ia mundëson KQZ-së që brenda një kohe të shpejtë të publikojë rezultatet preliminare për subjektet politike.
Një ditë më pas, për dallim nga zgjedhjet e kaluara, në Qendra Komunale të Numërimit, do të fillojë numërimi i pjesës tjetër të fletëvotimit, pra vota për kandidatët për deputetë.
Gjatë proceseve zgjedhore, në çdo komunë dhe kryesisht në palestra sportive, KQZ ka caktuar Qendrat Komunale të Numërimit. /rtk
