Nisja e sezonit të ri shkollor ende nuk ka filluar për shkak të grevave, por ambientet e shkollave në qytetin e Gjilanit po iu nënshtrohen dezinfektimit.
Drejtoria për Shëndetësi dhe Mirëqenie Sociale në Gjilan, ka publikuar pamje nga dezinfektimi i disa shkollave.
Përmes një shkrimi në ‘facebook’, drejtoria ka treguar se deri nesër pritet të përfundoj dezinfektimin e 62 institucioneve arsimore.
Shkrimi i plotë:
Filluam me dezinfektimin e shkollave dhe institucioneve parashkollore në komunën tonë.
Së bashku me ekipin fantastik po punojmë që të ofrojmë higjienë për nxënësit në radhë të parë, e rrjedhimisht edhe për mësimdhënësit e punëtorët e tjerë brenda objekteve shkollore.
Sot dhe nesër do të përfundohen 6️⃣2️⃣ institucione arsimore, ku 3️⃣ prej tyre do dezinfektohen më vonë, për shkak të punimeve e renovimeve përbrenda shkollave.
Edhe pse është fundjavë, ne jemi zotuar që përgjegjësia jonë për të ofruar shërbime do të realizohet.
Punë të mira po bëjmë! 🌻
