Komuna e Gjilanit po vazhdon me dinamikë të madhe sa i përket investimeve në ndërtimin e katërshes së madhe infrastrukturore.
Tashmë ka filluar ndërtimi i rrugës hyrëse në Cernicë e Përlepnicë, sikurse edhe i tetë rrugëve në qytet.
Kryetari i Komunës, Lutfi Haziri, gjatë inspektimit të punimeve ka deklaruar se këto investime kanë impakt të madh në zhvillimin e komunës.
“Jam i lumtur që filluam me realizimin e këtyre projekteve të rëndësishme në infrastrukturë, e të cilat kanë impakt në zhvillimin e komunës së Gjilanit. Me intensitet edhe më të madh do të vazhdojmë të punojmë edhe në fshatrat tjerë dhe në lagje të qytetit. Qëllimi ynë është që ta heqim përfundimisht lloçin dhe vadat, duke ndërtuar rrugët, kanalizimin, ujësjellësin dhe troruaret”, ka thënë Haziri.
