Ka nisur një peticion online kundër vendimit të Bankës Qendrore të Kosovës, sipas të cilit nga 15 nëntori ka hyrë në fuqi vendimi për rritjen e çmimit për sigurimin e automjeteve.
Në peticionin e nisur tregohet se rritja e këtij çmimi është më shumë se 26 për qind.
“Ky peticion bëhet me qëllim që të bëjë presion tek BQK, dhe institucionet tjera të involvuara, që ta anulojnë këtë vendim dhe çdo lloj vendimi tjetër që ka të bëjë me rritjen e tarifave të sigurimit”, thuhet ndër të tjerash në përshkrimin e peticionit.
Pos këtij peticioni, për të shtunën e 23 nëntorit është paraparë edhe një protestë para BQK-së.
