Dueli derbi ndaj Dritës dhe Gjilanit do të zhvillohet pa praninë e tifozëve, ashtu siç janë zhvilluar të gjithë duelet e tjera kampionale këtë edicion, që nga rikthimi i futbollit nga pandemia.
Mirëpo, tifozët e Dritës dhe Gjilanit kishin gjetur zgjidhje fort komode për t’i ndjekur ndeshjet e skuadrave të tyre të zemrës, teksa ishin vendosur në objektin e Shkollës së Muzikës pranë stadiumit të qytetit në Gjilan.
Mirëpo, siç merr vesh Gazeta “Sheshi”, Policia e Kosovës nga Rajoni i Gjilanit ka ndaluar vendosjen e tifozëve në këtë objekt për këtë ndeshje dhe tashmë janë njoftuar dy grupet e tifozëve.
Në kampet e dy tifozërive tashmë janë duke menduar të gjejnë alternativa të tjera për t’i përkrahur ekipet e tyre, ndërkohë që tubimi në “Fan Clube” aktualisht duket zgjidhja më e mirë.
Kujtojmë që ndeshja ndërmjet Dritës dhe Gjilanit do të zhvillohet të shtunen me fillim nga ora 17:00
