Edhe si subjekt politik, edhe si anëtare e Kuvendit Komunal në Gjilan, jemi të interesuar që njëherë e mirë ta përmbyllim temën e sektorit privat. Jam shumë e vendosur që mos të lejojmë të dëmtohen as bizneset, por edhe më hiç punëtorët në këtë sektor.
Në rregull, hajdeni ta analizojmë deri në detajin e fundit këtë çështje dhe ti japim një epilog, edhe nëse na merr kohë, por ta mbyllim këtë temë. E diela duhet të jetë pushim, dhe kjo ndodh në të gjithë botën, nuk është se ne po e zbulojmë për herë të parë.
Nuk është e mirë që ne si përfaqësues të qytetarëve që jemi këtu, zëri I tyre në institucione, të mos i mbrojmë aty ku duhet dhe që duhet të jetë e rregulluar me ligj. E gjithë bota e ka ditë pushimi të dielen, madje shumë prej shteteve edhe të shtunën, dhe flitet të shkurtohet edhe orari i punës.
Nuk arrijë ta kuptojë si ka mundësi që të kemi të ardhme të qëndrueshme, me përspektivë, një rini të edukuar mirë, të arsimuar, kur prindërit nuk kanë mundësi ti kushtojnë mjaftueshëm kohë. Përveç të drejtave të punëtorëve, ne e kemi obligim të mendojmë edhe për brezat e ardhshëm.
