Çdo vit ka disa raste të fëmijëve ose kafshëve shtëpiake që ndërrojnë jetë për shkak të nxehtësisë së tepërt në vetura.
Shkencëtarët në Arizona kanë provuar, pas eksperimenteve, se temperatura e rrezikshme në automjete mund të arrihet edhe pas një ore ekspozimi në diell, por edhe rrezikun e parkimit në hije.
Temperatura e trupit në veturë mund të rritet deri në 40 gradë Celsius pas vetëm një ore dhe kjo mund të çojë në një goditje të nxehtë.
Shkencëtarët përdorën gjashtë vetura të madhësive dhe ngjyrave të ndryshme që ishin parkuar në diell. Është treguar se automjetet më të vogla janë jashtëzakonisht të shpejta për t’u ngrohur dhe pas një ore temperatura mbi 47 gradë është regjistruar në të gjitha veturat.
Në hije, temperatura mesatare ishte rreth 40 gradë, por pas dy orësh ishte aq e rrezikshme sikur në diell, sipas një studimi të botuar në revistën Temperature, transmeton ksp. Shkencëtarët kanë treguar se timonët e ekspozuar në diell digjen në 52 gradë Celsius pas një ore dhe instrument-tabela arrin në 69 gradë Celsius.
“Hulumtimi ka treguar se edhe parkimi i automjetit në hije mund të jetë vdekjeprurëse për një fëmijë të vogël”, tha Nancy Selover, një klimatolog nga ASU.
“Frymëmarrja në veturë krijon një efekt shtesë për shkak të lagështirës më të lartë në ajër, duke e bërë më të vështirë të freskohet për shkak të djersitjes”, shtoi ajo.
Bashkë-autorja e hulumtimit Jennifer Vanos theksoi se njerëzit mund të pësojnë edhe në temperatura nën 40 gradë, duke theksuar se disa viktima të goditjes së nxehtësisë mund të kenë pasoja të qëndrueshme për trurin dhe organet e tjera.
