Një shpërthim i ri i virusit vdekjeprurës Marburg, i cili ka simptoma të ngjashme me Ebolën dhe shkakton gjakderdhje nga sytë, ka shkaktuar vdekjen e nëntë personave në Tanzani, kanë paralajmëruar autoritetet shëndetësore globale.
Sipas Agjencisë Afrikane të Shëndetësisë, virusi, i cili ka një shkallë vdekshmërie deri në 90%, ka infektuar dhjetë persona që nga shpallja zyrtare e shpërthimit javën e kaluar, transmeton klankosova.tv.
Rastet janë raportuar në rajonin Kagera, i cili ndodhet në veriperëndim të Tanzanisë dhe ka një popullsi prej gati tre milionë banorësh.
Ekspertët janë të shqetësuar se sëmundja mund të përhapet më tej për shkak të lidhjeve të lehta transportuese me kryeqytetin Dar es Salaam, ku ndodhet aeroporti ndërkombëtar kryesor i vendit.
Sipas Ngashi Ngongo nga Qendra Afrikane për Kontrollin e Sëmundjeve (CDC), siç shkruan mail online, ekipet shëndetësore po punojnë me Organizatën Botërore të Shëndetësisë (OBSH) për të frenuar përhapjen e virusit.
Autoritetet kanë identifikuar rreth 281 persona që kanë pasur kontakt me të infektuarit dhe po i monitorojnë nga afër për ndonjë shenjë infeksioni.
