Parku në lagjen “Dardania”, ishte shumë i mirëpritur për banorët pasi ajo hapsirë nuk ishte e shfrytëzueshme shkruan Radio Star.
Por sot parku i lagjes “Dardania”, është larg lavdisë së dikurshme. Ai jo vetëm është shkatërruar total, por është kthyer në një vend ku mblidhen konsumuesit e lëndëve narkotike.
Qytetarët janë të zhgënjyer nga mos kujdesi i këtij parku i ndërtuar nga Bashkimi Europian dhe Komuna e Gjilanit, pas hapjes së parkut aty kishte ekipe prezente në ruajtjen dhe kujdesin ndaj saj, por që kanë kaluar shumë kohë që parku tanimë është harruar dhe po thuajse fusha e futbollit dhe rrethoja e saj është e shkatërruar totalisht.
Parku i lagjes “Dardania”, tanimë që është harruar, ajo është shndërruar edhe në strehë të përdoruesve të drogës, sot gjatë ditës në vikend parku ishte i frekuentuar nga banorët e lagjes të cilët ishin prezent, por ata janë të zhgënjyer nga organet e rendit, komuna dhe të tjerë pasi e kanë harruar kujdesin ndaj parkut.
Banorët thonë se tani nuk mund të dalin lirshëm në park pasi aty hasin në persona të cilët janë përdorues të drogës, ata kërkojnë nga komuna e Gjilanit që të ketë një person i cili kujdeset për parkun e lagjes dhe kërkojnë nga Policia e Kosovës, të frekuentojnë parkun dhe të krijojnë siguri për banorët e lagjes./RadioStar/
