Situata në Veri sot është e qetë, tha për Express zëdhënësi i Policisë së Kosovës, Baki Kelani.
“Protestat e dhunshme dhe zhvillimet e ndodhura në veri të vendit, kan bërë që situata të jetë e tensionuar dhe e brishtë, por sot aktualisht situata është e qetë”, tha Kelani.
Ai tha se është duke vazhduar monitorimi i situatës dhe angazhimet policore të koordinuara me institucionet relevante të sigurisë.
Kujtojmë që në ditët e fundit ka pasur tensione në Veri si pasojë e pakënaqësive të serbëve për hyrjen e kryetarëve shqiptarë në objektet komunale në Zveçan, Leposaviq dhe Zubin Potok.
Lidhur me situatën e krijuar, nesër dhe pasnesër Lajçak dhe Escobar do të qëndrojnë në Kosovë dhe Serbi.
