Policia e Kosovës, Drejtoria Rajonale e Policisë Kufitare Lindje, mbrëmjen e së enjtes ka parandaluar një veturë e cila merrej me kontrabandim të mallrave nga Meqedonia e veriut.
Pas ndalimit të veturës në hyrje të Gjilanit, në ulëset e prapme janë gjetur 25 thasë duhan të përpunuar me peshë rreth 250 kilogram dhe për të cilin mall nuk kishte asnjë dokument mbi prejardhjen, përcjell teve1.info.
“Policia e Kosovës, Drejtoria Rajonale e Policisë Kufitare Lindje, në zbatim të masave për parandalim dhe luftimin e paligjshmërisë dhe kontrabandës, kanë intensifikuar kontrollet taktike dhe operacionale në teren. Me datën 05.07.2023 rreth orës 22:00 në rrugën Stançiq-Gjilan është identifikuar një automjet BMË me targa vendore për të cilin njësitet e Task Forcës–DRK-Lindje kishin informacion se merret me kontrabandim të mallrave nga republika e Maqedonisë veri në Republikën e Kosovës. Automjeti i lartcekur është arrit të ndalohet në hyrje të Gjilanit dhe gjatë kontrollit në ulëset e prapme dhe në bagazh të veturës kishte të ngarkuar (25) thasë duhan të përpunuar me peshë rreth 250 kilogram dhe për të cilin mall nuk posedonte asnjë dokument mbi prejardhjen, andaj dyshohet për kontrabandë”, thuhet në komunikatën e policisë.
Më tej, thuhet se lidhur me rastin janë ndërmarrë të gjitha veprimet në bashkëpunim me Prokurorinë e shtetit, ku me urdhër të prokurorit kompetent malli është dërguar në terminalin doganor për procedura të mëtejme.
