Gazeta Sinjali pak më parë ka raportuar për një mjet shpërthyes që është gjetur në Hajvali të Prishtinës, afër rezidencës së Behgjet Pacollit.
Tani nga Policia e Kosovës e kanë konfirmuar për Sinjalin se në orën 15:30 kanë pranuar informatën për një mjet të dyshimtë në një zonë malore në Hajvali.
“Sot rreth orës 15:30 kemi pranuar informatën për një mjet të dyshimtë shpërthyes në një zonë malore në fshatin Hajvali. Menjëherë në vendin e ngjarjes kanë dalë njësitet e nevojshme policore, për të siguruar zonën në fjalë“.
“Në lidhje me gjetjen e mjetit shpërthyes (predhë), janë njoftuar edhe ekipet përkatëse të FSK-së dhe KFOR-it, të cilat po ashtu ndodhen në vendngjarje”, kanë thënë nga Policia e Kosovës.
