Një ngjarje tragjike ka ndodhur sot në autostradën “Arbën Xhaferi”.
Si rrjedhojë, pranë lumit tek ura e Kaçanikut, u gjet pa shenja jete një i ri, i cili më vonë u identifikua të jetë nga Vitia.
Lidhur me rastin në fjalë u deklarua edhe policia përmes një komunikate.
Në njoftimin e policisë thuhet se ka dyshime fillestare që viktima nuk ka vdekur si pasojë e këtij aksidenti.
“Më datë 08.06.2025, rreth orës 13:15, jemi njoftuar nga një qytetar për gjetjen e trupit të pajetë të viktimës I.H (M/K) i moshës 26 vjeç. Dyshohet se viktima kishte pësuar aksident trafiku rreth orës 05:00 të mëngjesit në autostradën “Arbën Xhaferi”, afër fshatit Bob, komuna e Kaçanikut. Menjëherë pas pranimit të informacionit, në vendin e ngjarjes kanë dalë njësitet përkatëse të Trafikut të Autostradës. Pas ekzaminimeve fillestare nga hetuesit e trafikut, është konstatuar se vdekja e viktimës nuk ka ardhur si pasojë e aksidentit”, thuhet në njoftim.
