🚨 TRURI PO NA IKËN! A DO TË MBETEMI PA MJEKË?! 🧠🇽🇰
Sot takova një mjek të ri, F.R., me të cilin kam edhe lidhje familjare.
Një djalë i jashtëzakonshëm, që para vetëm 2 viteve përfundoi Fakultetin e Mjekësisë me nota të shkëlqyera.
Pas studimeve, plot ëndrra dhe pasion, filloi punën në një klinikë private në Kosovë.
Por sot, gjatë bisedës sonë, më tha diçka që më preku thellë:
“Tani po punoj në një call center. Po mësoj gjuhën gjermane dhe dua të shkoj në Gjermani.
Me sistemin aktual është shumë e vështirë të gjesh mundësi punësimi dhe specializimi. Në vendin ku punova, disa nga kriteret e kontratës nuk u respektuan: vonesa pagash dhe kontribute të papaguara. Në Gjermani, më kanë ofruar punë në një nga spitalet më të mira.”
Ky nuk është thjesht një rast i veçantë…
Nga Kosova po ikën truri.
Po ikin njerëzit tanë më të përgatitur, mjekët, specialistët… ata që na duhen më shumë.
Deri tani, përmes Riga Pharm, kemi bërë shumë për të mbajtur farmacistët në Kosovë:
✅ Kemi krijuar vende pune të qëndrueshme
✅ Kemi ofruar kushte më të mira dhe mbështetje për zhvillimin profesional
✅ Kemi investuar për të ruajtur profesionistët tanë pranë njerëzve tanë
Por kjo bisedë me F.R. më bëri të reflektoj thellë:
Ndoshta ka ardhur koha që bashkë me kompaninë dhe miqtë e mi të bëjmë diçka edhe për mjekët.
Ne kemi nevojë për ta. Shoqëria jonë ka nevojë për ta.
Dhe kjo nuk është thirrje për kritikë, por thirrje për reflektim e bashkëpunim.
Nëse nuk veprojmë tani, shumë shpejt do ta kuptojmë se jemi mbetur pa mjekë.
Ky nuk është problem i një individi.
Ky është problem i yni.
Dhe unë besoj se bashkë mund ta ndryshojmë realitetin.
#RigaPharm 💚 | #KujdesPërShoqërinë | #NdryshimiFillonTani
