Kryeministri i vendit, Albin Kurti, ka marrë ftesë para pak çastesh nga Prokuroria Speciale. Për detajet e kësaj ftese mbetet të shihet.
Lajmin për thirrjen në Prokurori e ka bërë të ditur zëdhënësi i Qeverisë, Petrit Kryeziu.
Postimi i zëdhënësit të Qeverisë:
Teksa kryeministri Kurti ndodhet në mbledhje të Kryesisë së Lëvizjes VETËVENDOSJE! për të përmbyllur listën e kandidatëve për deputetë nga koalicioni LVV, Guxo dhe Alternativa në zgjedhjet e vitit 2025, nga kryeministria më njoftuan se ka ardhur një ftesë për të nga Prokuroria Speciale.
Në zgjedhjet e kaluara kishte një vendim gjyqësor i cili ia kishte pamundësuar kandidimin në garën zgjedhore të 14 shkurtit 2021, kurse tash përmes kësaj ftese po tentohet ndikimi në rezultatin e zgjedhjeve të 2025. Qëllimi mbetet i njëjtë. Metoda ka ndryshuar. Kjo është ndërhyrje e sistemit të drejtësisë në proces zgjedhor.
