Pasditen e sotme në sheshin “Zahir Pajaziti” do të mbahet protestë për vrasjen e 21-vjeçares në Ferizaj.
Protesta është organizuar nga Kolektivi për Mendim dhe Veprim Feminist.
21-vjeçarja u vra të premten në Ferizaj, brenda objektit të Qendrës për Punë Sociale. I dyshuari që vrau viktimën është ish-bashkëshorti i saj, i cili tashmë ndodhet në paraburgim.
36-vjeçari dyshohet se plagosi edhe vëllain e mitur të viktimës.
Sipas Gjykatës Themelore në Ferizaj, i dyshuari ka goditur viktimën disa herë me plumba në kokë.
Ndërkohë, Prokuroria thotë se ekziston dyshimi se i pandehuri me dashje ka privuar nga jeta viktimën E.C., më të cilën ka bashkëjetuar dhe kanë pasur një fëmijë.
