Qeveria e Kosovës ka miratuar kërkesën e ministrit të Shëndetësisë, Arben Vitia, për të vendosur gjendjen emergjente të shëndetit publik.
Pasi janë konfirmuar edhe 4 raste të reja me coronavirus, ministri i Shëndetësisë, Arben Vitia, i ka kërkuar kryeministrit, Albim Kurti, që t’i propozojë Qeverisë shpalljen e emergjencës për shëndetin publik.
“Bazuar në situatën e krijuar dhe me qëllim të ruajtjes së shëndetit të popullatës, porsa kërkova nga kryeministri, Albin Kurti, që t’i propozojë Qeverisë shpalljen e emergjencës për shëndetin publik”, ka njoftuar ministri Vitia.
Gazeta Express mëson se tanimë është marrë vendimi.
Janë nëntë raste të konfirmuara me koronavirus në Kosovë.
