Siç e dini, ditëve të kaluara, IKSHPK ka dërguar 30 mostra për testim në Institutin e Virologjise Charite në Berlin të Gjermanisë, me qëllim të hulumtimit rreth pranisë së varianteve të reja të virusit SARS-COV-2 në Kosovë, pas shfaqjes së tij në më shumë se 70 vende të botës.
Nga rezultatet e këtyre analizave të kryera në Berlin, tri (3) mostra kanë rezultuar pozitiv në testimin preliminar si SARS-CoV-2 me variantin B.1.1.7.
Ky variant është raportuar për herë të parë më 14 dhjetor 2020 në Mbretërinë e Bashkuar.
Siç e dini, me raportimin e këtij variant në Angli, Kosova ka pezulluar fluturimet ajrore me këtë shtet, pra nuk ka pasur fluturime Prishtinë-Londër dhe anasjelltas.
Gjithashtu, më lejoni të theksoj se situate epidemiologjike në Kosovë është nën kontroll dhe se, si rezultat i rënies së numrit të të infektuarve në disa komuna, sot kemi kategorizimin e ri të komunave bazuar në numrin e rasteve të reja brenda 7 ditësh në 100. 000 banorë.
Kështu, si rezultat i situatës më të mirë epidemiologjike, nga zona e kuqe në të verdhën dalin komunat: Podujeva, Mitrovica e Veriut, Mitrovica e Jugut, Zveçani, dhe Gjilani.
Në zonën e kuqe mbesin edhe më tej Prishtina dhe Fushë –Kosova.
Shpresojmë që edhe këto së shpejti të kalojnë nga zona e kuqe në zonat e tjera.
Tabelën me të gjitha komunat do ta merrni pas kësaj konference përmes njoftimit për media.
Ndërkohë, i bëjmë thirrje popullatës që të vazhdojë me zbatimin e masave në fuqi si kusht për të mbajtur situatën nën kontroll dhe rastet e infeksioneve dhe të vdekjeve nga më të voglat në rajon dhe më gjerë.
Më shumë informacione rreth situatës epidemiologjike dhe rreth rasteve të detektuara me variantin e ri, ju informon drejtori i IKSHPK-së, Profesori Naser Ramadani.
29 IKSHPK INFORMATE PER REZULTATET E TESTEVE TE ANALIZUARA NE BERLIN
Vendimet për Komunat:
Komuna e Deçanit
Komuna e Gjilanit
Komuna e Graçanicës
Komuna e Mitrovicës së Jugut
Komuna e Mitrovicës së Veriut
Komuna e Podujevës
Komuna e Shtimës
Komuna e Zveqanit
