Vendimi i fundit i qeverisë për rritje të taksave ndaj prodhimeve të Serbisë dhe Bosnje e Hercegovinës, duket se ka vetëdijesuar shumë qytetarë, poashtu edhe shumë biznese vendore.
Bojkotimi i produkteve serbe ka nisë të aplikohet nga një masë e madhe.
Banorët e Komunës së Vushtrrisë, si shenjë përkrahje ndaj vendimit të qeverisë “Haradinaj”, po bojkotojnë miellin serb duke e përdorur vetëm atë vendor, transmeton Indeksonline.
Naser Imeri, që drejton kompaninë “Ariani Company”, ka treguar organizimin e mrekullueshëm të qytetarëve të Vushtrrisë ku kanë arritur të grumbullojnë 30 mijë kg miell për të i ndihmuar ata që kanë nevojë.
Ai ka publikuar listën e njerëzve që kanë kontribuar në grumbullimin e miellit.
Me anë të këtij aksion ai ka dashur të ja u lehtësoj njerëzve që nuk kanë mundësi të blejnë miell me çmimet e reja. Po ashtu Imeri ka kërkuar nga furrat që të mos shtrenjtohet çmimi i miellit.
