Kryeministri i Shqipërisë, Edi Rama ka qenë në fokus të mediave të huaja përgjatë orëve të fundit, pas organizimit të Samitit të Komunitetit Politik Evropian. Nga ulja në gjunjë për Giorgia Melonin e Italisë, deri te një përqafim vëllazëror me Emmanuel Macronin e Francës, Rama priti liderët e Evropës “me spektaklin e tij të pashuar” nga shiu i rrëmbyeshëm.
Kështu raporton “AFP” në një artikull që më pas është cituar edhe nga shumë media të huaja botërore, transmeton Nacionale.
“Një figurë më e madhe se jeta, me gjatësi 2 metra, Rama kishte një fjalë dhe një buzëqeshje për secilin nga më shumë se 40 liderët që merrnin pjesë në takimin e Komunitetit Politik Evropian (EPC)” – thuhet aty.
Tutje raportohet se “shou” nisi me Ramën që sillej me një çadër të kaltër në tapetin e kuq, me logon e EPC-së në krevatën e tij dhe me atlete.
“Kur arriti Meloni, ai u gjunjëzua në tokë, siç bën shpesh për motrën e tij italiane, derisa shoqëroi presidentin ukrainas, Volodymyr Zelensky në ndërtesën e operës ku liderët po mbanin bisedimet”.
Duke përshëndetur Macronin, Rama tha “Ja mbreti i diellit”, ndërsa retë u ndanë dhe dyshja u përqafuan para se të hynin brenda.
Rama pati disa fjalë edhe për britanikët që morën pjesë:
“Kishte një dyshim, por u bë provë shkencore nga instituti evropian i parashikimit të motit se shiu i vazhdueshëm – dhe jo vendas – u soll nga delegacioni britanik dje në mëngjes”.
“Mirësevini në Shqipëri”
EPC, samiti që lindi si ide e Macron pas pushtimit të Ukrainës nga Rusia në vitin 2022, mbledh liderët e shteteve të Bashkimit Evropian dhe 20 vendeve të tjera.
Ukraina ishte çështja dominante në këtë takim, si dhe tema e migrimit. Por, para se të nisnin bisedimet serioze, Rama bëri gjithçka që ta shpreh dashurinë e tij për Evropën, raportohet tutje.
“Është e vërtetë që unë jam më i gjati mes tyre, por drejtoj shtetin që është ndër më të vegjlit, dhe për ne, është një nder i madh që kemi mundësinë ta organizojmë këtë samit” – i ka thënë ai AFP-së.
Dhe një gjë e rrallë në mjedisin e qetë të diplomacisë evropiane — udhëheqësit u përshëndetën me një sekuencë hapëse që solli të qeshura dhe buzëqeshje të mëdha nga turma.
Në një ekran gjigant, drejtuesit projektuan interpretime të inteligjencës artificiale të secilit lider të ri-imagjinuar si foshnje, disa ende me mjekër dhe spektakle dhe secili duke deklaruar: “Mirësevini në Shqipëri”.
