Kryetari i Prishtinës, Përparim Rama, sonte ishte i ftuar në emisionin Oxygen, ku foli për shumëçka si për tema personale edhe për ato komunale.
Ai në një rast sa ishte duke folur për pretendimet e tij se si do ta shndërrojë kryeqytetin, moderatori Besim Dina me shaka i tha se i paska mbajtur mend gjithë ato çka kishte shkruar ish-kryetari i LDK-së Isa Mustafa, i cili kohë më parë kishte mbajtur edhe pozitën që tash e mban Rama. Ndërkaq po me shaka ia ktheu edhe i pari i Prishtinës duke thënë se nuk e njihte Mustafën, e duke i dhënë edhe epitetin këngëtar.
“Qysh i ke mbajtë mend që 20 minuta krejt çka ka shkru Isa Mustafa krejt i paske mbajtë në mend”, ka thënë Dina.
“Cili është, niva që është njëfar këngëtari qashtu e ka emrin… po de nuk e di a e dini ju?”, ia kthen Rama me shaka.
