Ministrja e Drejtësisë, Albulena Haxhiu, ka reaguar për aksionin e Inspektoratit të Policisë së Kosovës dhe Prokurorisë Speciale që po zhvillojnë sot në pikat kufitare, konkretisht në Gjakovë dhe Prizren.
Haxhiu përmes një postimi në Facebook thotë se kanë sfida, por se kanë vullnetin e hekurt për ta bërë vendin e jetueshëm për qytetarët.
Ajo thotë se në shumë raste ekzekutivi ka qenë pengesa kryesore në luftën ndaj krimit të organizuar dhe korrupsionit.
Postimi i saj:
Në të kaluarën institucioneve të sigurisë dhe drejtësisë nuk i janë lënë duart e lira për veprim.
Në shumë raste ekzekutivi ka qenë pengesa kryesore në luftën ndaj krimit të organizuar dhe korrupsionit.
Sot, kemi ende sfida mirëpo kemi vullnetin e hekurt për ta bërë vendin e jetueshëm për qytetarët.
Përshëndes aksionin e përbashkët të institucioneve për luftimin e krimit të organizuar dhe korrupsionit!
