Në Gjilan ka përfunduar procesi i numërimit të votave për zgjedhjet e Asamblesë Komunale. Sipas të dhënave të fundit nga Komisioni Qendror i Zgjedhjeve, Vetëvendosja kryeson me një mbështetje prej 38,08%, duke siguruar gjithsej 15,605 vota.
Pas saj renditet Lidhja Demokratike e Kosovës me 29,05% të votave ose 11,904 qytetarë që i kanë dhënë besimin partisë. Partia Demokratike e Kosovës mban vendin e tretë me 14,50%, duke marrë 5,943 vota.
Këto rezultate tregojnë një garë të fortë mes partive kryesore në komunën e Gjilanit, ndërsa numërimi përfundimtar do të konfirmojë përfundimisht përfaqësimin në Asamblenë Komunale.
