Kryetari i degës së PDK-së në Gjilan, Riad Rashiti, ka reaguar ashpër ndaj gjendjes së infrastrukturës rrugore në qytet, duke akuzuar kryetarin e komunës, Alban Hysenin, për keqmenaxhim dhe mungesë profesionalizmi në mbikëqyrjen e projekteve kapitale.
Përmes një postimi, Rashiti ka ironizuar me qeverisjen lokale, duke e krahasuar me një “film” ku mungon serioziteti dhe përkushtimi ndaj qytetarëve. Ai e ka cilësuar si të papranueshme gjendjen e një rruge, e cila, sipas tij, është asfaltuar tri herë brenda dy viteve të fundit, por sërish ka pësuar dëmtime të mëdha vetëm tre muaj pas ndërhyrjes së fundit.
