KRU “HIDROMORAVA” ka mbajtur konferencë për mediet për të arriturat e këtij viti, zëdhënsja Rina Ahmeti Kasumi, para gazetarëve tha se viti 2023 ka qenë një periudhë e pasur me sukses dhe progres.
Më tutje Ahmeti-Kasumi ka thënë investimet e realizuara, fushatat dhe aksionet e ndryshme janë kanë qenë faktorët kryesorë në rritjen e të hyrave nga shitjet dhe kanë sjellë një impakt pozitiv në përmirësimin e cilësisë së shërbimeve për konsumatorët e KRU Hidromorava.
Te nderuar gazetarë,
Faleminderit për bashkëpunimin dhe vullnetin tuaj për të ndjekur konferencën tonë, e cila synon të informojë konsumatorët tanë në lidhje me veprimtarinë dhe zhvillimet gjatë vitit 2023.
Në këtë platformë, me kënaqësi do të ndaj me ju informacione të rëndësishme lidhur me të arriturat e ndërmarrjes sonë, KRU Hidromorava, gjatë vitit 2023. Ky vit ka qenë një periudhë e pasur me sukses dhe progres, dhe me këtë rast, do të përmbledh disa prej të arriturave kryesore që shërbejnë si dëshmi e përpjekjeve tona për të përmirësuar shërbimet dhe infrastrukturën në sektorin e ujësjellësit.
Viti 2023 ka qenë një vit i jashtëzakonshëm për KRU Hidromorava, kemi punuar jashtëzakonisht shumë për të përmirësuar shërbimet ndaj konsumatorëve si dhe performancen të kompanisë. Sukseset që kemi arritur padyshim janë rezultat I përkushtimit dhe angazhimit te jashtëzakonshëm të Kryeshefit ekzekutiv Ymer Salihu, së bashku me anëtarët e Menaxhmentit, mbështetjes të pakontestueshme të anëtarëve të Bordit si dhe falë punës së jashtëzakonshme të të gjitha departamenteve të kompanisë dhe njësive që janë në kuadër të kompanisë Hidromorava.
Investimet e realizuara, fushatat dhe aksionet e ndryshme janë faktorët kryesorë që kanë kontribuar në rritjen e të hyrave nga shitja dhe kanë sjellë një impakt pozitiv në përmirësimin e cilësisë së shërbimeve për konsumatorët e KRU Hidromorava.
Si rezultat i punës së palodhur të Departamentit Komercial dhe Departamentit për Shërbime me Konsumatorë, në bashkëpunim me Zyrën për Media, duke realizuar konferenca, fushata vedisuese,aksione kunder kyqjeve ilegale si dhe duke bere thirrje per pagesa te borxheve, kemi arritur qe arkëtimi për vitin 2023 te shënoj një rritje prej afër 350 mijë euro në krahasim me vitin 2022. Norma e arkëtimit në vitin 2022 ishte 100.39%, ndërsa kjo shifër ka arritur nivelin e 109% për vitin 2023.
Ky rezultat shumë inkurajues tregon angazhimin dhe suksesin e kompanisë në përmirësimin e cilësisë së shërbimeve dhe në përgjithësi në menaxhimin e burimeve financiare. Te hyrat e arritura janë një burim i rëndësishëm për të investuar në përmirësimin e infrastrukturës së ujësjellësit dhe në projekte tjera që synojnë rritjen e cilësisë së shërbimeve tona.
Jemi jashtezakonisht të kënaqur që kemi arritur këtë rezultat dhe jemi të përkushtuar të vazhdojmë rrugën e suksesit, duke ofruar shërbime sa më cilësore dhe inovative për konsumatoret tonë.
Gjatë vitit 2023, KRU Hidromorava ka përmirësuar strukturën e saj organizative në përputhje me udhëzimet dhe standardet e Ministrisë përkatese. Organogrami i ri ka pasur për qëllim rritjen e efikasitetit dhe koordinimit mes departamenteve, duke siguruar një menaxhim më të përshtatshëm dhe transparent të resurseve tona.
2. Investimet në Objektet e KRU Hidromorava në Gjilan, Vitin dhe Kamenicë: Projektet e medha infrastrukturore janë një pjesë e thelbësuar e strategjisë tonë për të përmirësuar shërbimet e furnizimit me ujë. Investimet në objektet e Gjilanit, Vitit dhe Kamenicës kanë pasuar planifikimin dhe kanë sjellë ndryshime të dukshme pozitive në kapacitetin dhe cilësinë e shërbimeve tona.
Në këtë vit, gjithashtu KRU Hidromorava ka investuar në flotën e saj me blerjen e veturave të terenit modeli pickup dhe cisternave të ujrave të zeza. Ky investim ka ngritur efikasitetin e punës tonë terreni dhe ka siguruar një reagim më të shpejtë dhe të koordinuar në situata të ndryshme.
4. Projektet Tjera dhe Zhvillimet: Gjatë vitit 2023, janë realizuar një sërë projektesh dhe zhvillimesh tjera që kanë ndikuar pozitivisht në cilësinë e shërbimeve tona. Një ndër projektet më ambicioze të KRU Hidromorava të vitit 2023 ishte fillimi i projektit për ndërtimin e Impiantit për Trajtimin e Ujërave të Ndotura në Uglar. Ndërtimi i Impiantit për Trajtimin e Ujërave të Zeza, paraqet një hap të rëndësishëm drejt sigurisë së burimeve të ujit dhe mbrojtjes së mjedisit. Me një kapacitet fillestar prej 45,000 banorësh në fazën e parë, dhe një zgjerim planifikuar në fazën e dytë me 65,000 banorësh, projekti ka një impakt të drejtpërdrejtë në jetën e qytetarëve të Gjilanit, Velekincës, Malishevës dhe Koretishtës. Në vitin 2023, KRU Hidromorava ka shpallur hapjen e tenderëve dhe ka nisur fazën e vlerësimit të ofertave, duke parashikuar fillimin e punimeve në terren në periudhën e ardhshme.
Projketi tjeter eshte : Investime ne Infrastrukturë te sistemit te ujësjellësit ne kuadër te projektit “FLOWS”
Projekti FLOWS ka filluar të implementohet gjatë këtij viti dhe kompletimi i gjitha projekteve do të bëhet deri ne fund te vitit 2025. Ky është një investim që do të realizohet përmes fondeve nga Banka Botërore dhe në strukture ka dy komponentë : njeri ka të bëjë zgjerimin e kapaciteteve të ujit në komunën e Kamenicës, përmes studimit te fizibilitetit për ndërtimin e digës në lumin Kremenata apo në lumin Desivojcë të komunës së Kamenicës, ndërsa komponenta e dytë ka të bëjë me investimet në infrastrukturë për KRU Hidromorava në Gjilan.
GJithashtu … Nje e arritur tjeter eshte – Akreditimi i Laboratorit KRU “Hidromorava” – Gjilan
Me qëllim të garantimit të saktësisë dhe besueshmërisë së rezultateve të laboratorit, KRU “Hidromorava” ka ndërmarrë një hap të rëndësishëm drejt akreditimit sipas standardit ISO 17 025.
Fal punes profesionale te laboranteve duke perfshire kushtet e punës në Laborator, aparaturat , si dhe metodat me të cilat ështe punuar, jemi vlerësuar shume mire nga ekspertet e fushës në DAK.
Laboratori I KRU Hidromorava, është akredituar në prill të vitit 2023 dhe tani ofron një gamë të gjerë të parametrave të monitorimit të ujit. Cke eshte me rendesishmja… akreditim ka arritur qe te rris besueshmërinë e rezultateve dhe sigurinë e ujit për konsumatorët.
Ndersa… Projektet te tjeter me rendesi te vecant janë: Kyçjet Individuale ne Hodonoc dhe Dajkoc si dhe Ndërtimi i Ujësjellësit në Karaqevë të Epërme ne Komunen e Kamenicës
Përfitues të projekti per Kyçjet Individuale ne Hodonoc dhe Dajkoc janë:konsumatoret te Komunes se Kamenicës, dhe 393 ekonomi familjare të Fshatit Hodonoc. Ky projekt është grant nga Ministria e zhvillimit Ekonomik në vlerë prej 100,000.00 euro, kurse total vlera e projektit është rreth 370,000.00 euro dhe pritet të përfundoj gjatë vitit 2024.
Ndersa perfitues te projektit te Ndërtimit te Ujësjellësit në Karaqevë të Epërme Komuna e Kamenicës, janë konsumatoret e Komunes te Kamenicës, dhe rreth 350 ekonomi familjare të Fshatit Karaqevë e Epërme. Projekti ne total arrin vlerën rreth 450,000.00 euro dhe pritet të përfundoj gjatë vitit 2024.
Investimi tjeter ne komunen e Kamenices ka qene edhe hapja e dy puseve në loakcionin “Bashqja”, e cili ka krijuar stabilitet te furnizimit me uje te pijshem per te gjitha zonat e Kamenices. Pas realizimit te hapjes të dy puseve eshte arritur që ta ngritet kapaciteti i prodhimit të ujit për gjashtë(6) L/S si dhe për dy(2) deri ne tre(3) bar shtypje.
“Te nderuar gazetar, une kaq kisha
Ka qenë një kënaqësi për mua të prezantoj përpara jush disa nga zhvillimet dhe sukseset e KRU Hidromorava gjatë vitit të kaluar. Ju faleminderit sinqerisht për vëmendjen dhe interesin tuaj gjatë kësaj konference.
Në emër të Kryeshefit ekzekutiv si dhe në emrin tim personal, ju falënderojmë për bashkëpunimin tuaj dhe përkushtimin në mbështetjen e projekteve dhe ndërmarrjeve tona. Ju inkurajojmë të vazhdoni të na ndiqni në rrugën tonë drejt përmirësimit të shërbimeve dhe infrastrukturës së ujësjellësit.
Me këtë rast, shfrytëzoj rastin për të ju uruar një vit të ri të lumtur dhe të begatë. Le të jetë një vit i mbushur me shëndet, harmoni dhe prosperitet për ju dhe familjet tuaja. Ju urojmë suksese të vazhdueshme në punë dhe në jetën personale.
Faleminderit për kohën tuaj shihemi ne vitin 2024!
