Sot, rreth orës 13:07, në oborrin e Kampusit të shkollave të mesme në Gjilan, ka ndodhur një përleshje mes nxënësve të shkollës teknike. Ngjarja u ndalua në kohë nga ndërhyrja e shpejtë e ekipit të sigurimit “SAS”, i cili arriti të parandalojë përshkallëzimin e situatës dhe të sekuestrojë armët e ftohta (thika) që nxënësit po mbanin me vete.
Pas ndërhyrjes së sigurimit, në vendngjarje ka mbërritur edhe Policia e Kosovës, e cila gjatë kontrollit ka zbuluar edhe substanca narkotike në posedim të disa nxënësve.
Ngjarja është raportuar dhe autoritetet janë duke vazhduar hetimet për të zbardhur rrethanat dhe për të marrë masa ndaj të përfshirëve.
