Ish sulmuesi i SC Gjilanit, Alban Rexhepi ka pësuar arrest kardiak gjatë ndeshjes së sotme kundër Flamurtarit, klubi gjilanas i ka uruar shërim të shpejtë.
Në një postim në Facebook skuadra e SC Gjilanit i ka uruar shërim sa më të shpejtë ish-sulmuesit të tyre, Alban Rexhepi.
Komunikata e plotë:
Shërim të shpejtë Alban Rexhepi!
Sport Club “Gjilani” i uron shërim të shpejtë futbollistit Alban Rexhepi.
Futbollisti i Klubit Futbollistik “Vllaznia” nga Pozherani ka pësuar një ‘arrest kardiak’ në ndeshjen kampionale ndaj KF Flamurtari dhe është detyruar të kryejë një intervenim në zemër.
Një sfidë shumë e madhe për futbollistin Rexhepi dhe klubin “Vllaznia” nga Pozherani, ndaj përmes këtij telegrami ofrojmë mbështetje të plotë për ish-futbollistin dhe urojmë që ta kalojë këtë sfidë sa më mirë, duke shpresuar që të rikthehet sa më shpejtë në fushat e blerta.
