Gjilani ndodhet edhe zyrtarisht në krizën më të madhe në histori. Pronari i klubit, njëherit president në dorëheqje, Florim Zuka është larguar përfundimisht nga klubi, mëson Gazeta Blic Sport.Futbollistëve u është dhënë afat deri në fillimin e javës për një përgjigje definitive, pasi që disa biznese kanë shprehur interesimin për ta marrë klubin nën menaxhim.
Megjithatë, koha nuk premton shumë. Ani pse klubi nuk ka as edhe një borxh të vetëm dhe është i lirë për secilin investitor të interesuar, gjërat veçse sa shkojnë e bëhen më të rënduara.
Disa futbollistë të cilët ishin pa kontrata nuk kanë pritur fare dhe kanë gjetur angazhim në klubet tjera.
Te Gjilani po bëhen gati për më të keqen, ta nisin edicionin e ri me ekipin e 19 vjeçarëve, ose të mos e nisin fare, një opsion më real se ai i pari.Kujtojmë që Gjilani tani e disa vite është pjesëmarrës i rregullt në garat ndërkombëtare, deri sa edicionin e fundit ishte dhe finalist i Kupës.
