Ideja për emigrim në vendet evropiane në kërkim të një jetë më të mirë tani u është ngulitur në kokë shumicës së qytetarëve të Kosovës, transmeton Gazeta Metro.
Kjo po dëshmohët me numrat e shumtë të aplikatëve dhe radhët e gjata të qytetarëve pëppara dyerve të ambasadave, duke pritur përgjegje për vizë.
Ndërsa udhheqësia e shtetit tonë vazhdon të fle në gjumë, duke mos ndërmarrë asgjë, e duke vazhduar t’i punësojnë militantët e tyre nëpër istitucione e ndërmarrje publike.
Vetëm në Telekomin e Kosovës është raportuar se janë punësuar më shumë se 100 persona, duke përfshirë familjarë të deputetëve dhe zyrtarëve qeveritarë.
Këto punësime familjare dhe partiake, qofshin edhe pa konkurse dhe pa përfillje të kritereve, sipas organizatave të shoqërisë civile kanë prodhuar një situatë kur gjithsecili person që është i gatshëm për punë në Kosovë, nuk beson në trajtim të barabartë në rast të aplikimit në konkurse publike.
Hulumtimet e fundit kanë treguar se vetëm gjatë viti 2018 në vendet e Bashkimi Evropianë (BE), afro 5 mijë kosovarë kanë kërkuar azil.
Kështu të paktën po thotë një hulumtim nga Instituti i Kosovës për Politikat Europiane (EPIK), ku ka publikuar raportin ku janë trajtuar zhvillimet e fundit në lidhje me numrin e kërkesave për azil në Bashkimin Europian (BE).
Sa i përket vendeve të Ballkanit Perëndimor, EPIK bën të ditur se rekordi i azilkërkuesve u shënua në vitin 2015 me një total prej 199,365 azilkërkuesve, prej të cilëve 172,225 ishin azilkërkues për herë të parë.
Në vitin 2015, Kosova dhe Shqipëria ishin vende me numër më të madh të azilkërkuesve nga Ballkani me 72,480 dhe respektivisht 67,950 azilkërkues, prej tyre 66,885 dhe respektivisht 66,145 ishin azilkërkues për herë të parë”, thuhet në komunikatën e Institutit.
Sipas raportit, nga të gjitha vendet e Ballkanit Perëndimor, Kosova ka shënuar rënie më të madhe të azilkërkuesve.
“Nga 72,480 në vitin 2015, prej të cilëve 66,885 ishin azilkërkues për herë të parë, në 4,970 në 2018, prej të cilëve 3,300 ishin azilkërkues për herë të parë – rënie prej 93 për qind”, vijon njoftimi.
Statistikat tregojnë se nga viti 2015, numri i azilkërkuesve nga Ballkani Perëndimor ka rënë në mënyrë të qëndrueshme në nivelin më të ulët të shënuar në vitin 2018 prej 40,420 azilkërkues, prej të cilëve 31,835 ishin azilkërkues për herë të parë.
Në vitin 2018, Shqipëria dhe Serbia ishin vende me numër më të madh të azilkërkuesve nga Ballkani me 21,915, dhe respektivisht 6,145 azilkërkues, prej tyre 19,045 dhe respektivisht 4,340 ishin azilkërkues për herë të parë”, thuhet në raport.
Sipas komunikatës së EPIK, në kuadër të BE-së deri në vitin 2012, ka pasur rritje graduale të numrit të kërkesave për azil./gazetametro.net
