Kohë me herët është shpallur i hapur sezoni i gjuetisë për periudhën kohore 2022-2023 për lloje të caktuara të kafshëve të egra, në tërë territorin e Republikës së Kosovës.
Aktivitete e gjuetisë mund t’i organizojnë vetëm menaxherët e vend gjuetisë të cilët kanë të hartuar dhe të aprovuar planin dhjete (10) vjeçar të menaxhimit të vend gjuetisë sipas nenit 42 dhe planit vjetor të menaxhimit të vende gjuetisë sipas nenit 43 të Ligjit Nr. 02/L-53 për gjuetinë dhe duke u bazuar në dispozitat e udhëzimit administrative Nr. 08/2008, për përmbajtjen, mënyrën e hartimit dhe procedurat e aprovimit të planeve në vendet e gjuetisë të datës 21.03.2008, thuhet në njoftomin e policisë.
Andaj njoftoheni se asnjëra nga shoqatat e gjuetarëve dhe menaxherët e tyre në rajonin e Gjilanit nuk i kanë plotësuar kushtet e parapara ligjore që të zhvillojnë aktivitetet e gjuetisë për këtë periudhë kohore.
Për ta parë hartën e vend gjuetive të cilat janë të pajisur me planet e aprovuara ligjore referojuni Vendimit Ref. KM.624/22 i datës: 12.09.2022.
Drejtoria Rajonale e Policisë se Kosovës në Gjilan me të gjitha Njësitet e Stacioneve Policore dhe në koordinim me agjencitë tjera relevante do të kujdesen për zbatimin e këtij vendimi.
