Udhëtarët nga vendet jo anëtare të BE-së që kanë nevojë për vizë për të hyrë në Zonën Shengen mund të anulojnë ose ndryshojnë planet e tyre të pushimeve verore nëse nuk kanë marrë ende vizë, pasi nuk ka më të disponueshme deri në shtator.
Menjëherë pasi vendet e Bashkimit Evropian dhe Zonës Shengen vendosën të lehtësojnë kufizimet e tyre të hyrjes për COVID gjatë muajit të verës, udhëtarët e vendeve të treta që kishin nevojë për vizë, aplikuan për një të tillë.
Megjithatë, për shkak të kërkesës së madhe, ata që nuk kanë aplikuar ende, me shumë mundësi nuk do të mund të gjejnë takime të disponueshme deri në mes të shtatorit, shkruan Schengen Visa Info.
Meqenëse nuk ka takime për viza deri në mes të shtatorit, kompanitë e udhëtimit kanë vënë në dukje se shumë udhëtarë të vendeve të treta po shqyrtojnë destinacione të tjera si Malajzia, Tajlanda, Indonezia, Egjipti dhe Turqia, ndër të tjera.
Viza Shengen është një vizë që i lejon një personi të hyjë në çdo vend të BE-së brenda kësaj për një periudhë deri në 90 ditë për qëllime turistike ose biznesi, raporton euronews.
Të gjithë personat që janë shtetas të një vendi që nuk ka arritur një liberalizim vizash ose një marrëveshje të ngjashme me vendet e zonës Shengen duhet të marrin një vizë përpara se të udhëtojnë në BE.
