Reagim për MKRS:
Ministria e Kulturës, Rinisë dhe Sportit paska reaguar kundrejt incidentit të sotëm në derbin e zhvilluar në Gjilan!
Në këtë reagim të Ministrisë qenka thirr Këshilli për Parandalimin e Dhunës në Sport për të trajtuar dukurinë!
Ne si tifogrup me përgjegjësi i jemi përgjigjur thirrjeve për konsultime vazhdimisht nga ky Këshill dhe kemi paraqitur ankesat e rekomandimet tona për evitimin e akteve me elemente të dhunës, këto rekomandime gjenden në procesverbalet dhe audio incizimet e ministrisë!
Kemi kërkuar në takime e publikisht intervenim në infrastrukturën e nevojshme në stadium, asnjë hap deri tash!
Ne do të vazhdojmë të jemi kontribues në kultivimin e frymës dhe animit korrekt tifozerik ashtu siç ndër vite kemi kontribuar në pranimin dhe vlerësimin e drejt të futbollit kosovar edhe nga Uefa dhe Fifa.
Ministrisë së Sportit i kërkojmë kushte që parandalojnë aktet vandale, jo mekanizma diskutues nëpër tryeza në të cilat vetëm zgjidhjet nuk prodhohen!
Kryesia në dorëheqje,
4 Prill 2022
