Forca e Sigurisë së Kosovës (FSK) do të organizojë sot ceremoninë solemne të diplomimit të kadetëve të gjeneratës 2026, të cilët kanë përfunduar me sukses programin e përgatitjes profesionale dhe ushtarake.
Në këtë ceremoni pritet të marrin pjesë udhëheqës të lartë shtetërorë, përfaqësues të institucioneve të sigurisë, si dhe mysafirë vendorë dhe ndërkombëtarë.
Me diplomimin e tyre, kadetët do t’i bashkohen radhëve të FSK-së, duke kontribuar në forcimin e kapaciteteve mbrojtëse të Republikës së Kosovës dhe në përmbushjen e misionit të forcës.
Ceremonia do të zhvillohet me nderime ushtarake, duke përfshirë parakalimin solemn të kadetëve, si dhe fjalime nga përfaqësues institucionalë, të cilët pritet të vlerësojnë përkushtimin, disiplinën dhe arritjet e gjeneratës së re të oficerëve gjatë procesit të tyre të formimit profesional.
