Si anëtare e KK-së në Gjilan, nga radhët e Aleancës për Ardhmërinë e Kosovës (AAK), kam kërkuar që terrenet sportive, rrjedhimisht stadiumi i qytetit, të jetë në shfrytëzim vetëm nga sportistët dhe mos të shfrytëzohet për fushata elektorale apo ndonjë aktivitet tjetër që nuk ka të bëjë me sportin, për shkak se kësisoj i ruajm terrenet sportive.
Poashtu, demolimi i këndit të lojrave në sheshin e ri, ishte një shqetësim i imi dhe qytetarëve të cilin e shpërfaqa në seancë. Kërkova nga organet komunale që të ndërmarrin masa për renovimin e tyre si dhe ruajtjen në vazhdimësi, sepse është një pjesë e qytetit me të cilën prezantohet Gjilani.
Në fund, u fokusova edhe tek largimi i 12 punëtorëve nga kompania “Tregu”, e të cilët ishin larguar para disa kohësh edhe nga kompania “Ecohigjena”. Kërkoha sqarime përkitazi me performancën e tyre në punë, parregullësitë në këto dy kompani të shpërfaqura nga të larguarit, si dhe gjetjen e një formule e cila zgjidhë këto probleme njëherë e mirë.
Siç kemi thënë, do të jemi përherë në krah të qytetarëve dhe se çdo paknaqësi të tyre dhe kërkesë, do ta adresojmë në kuvend.
AH.Nuhiu
