Gjilani-Drita, një derbi që pritet me kureshtje të jashtëzakonshme nga tifozët jo vetëm nga Gjilani, por në tërë Kosovën.
Ky derbi çon në këmbë tifozët dhe krejt qytetin e Gjilanit. Në derbi e këtyre skuadrave shumë herë janë tubuar deri në 10.000 shikues, kështu pritet të jetë edhe kësaj radhe. Tifozët ‘Intelektualët’ e Dritës dhe ‘Skifterat’ e Gjilanit, premtojnë një spektakël të njëmendtë.
Dy rivalët e një qytetit, dhe secili beson se do t’i fitojë pikët e plota. Gjilani është në vend të shatë me 43 pikë,kurse Drita mban pozitën e parë me 59 pikë.
Gjilani-Drita, është sfida më interesante e javës së 30-të në elitën e futbollit, e cila luhet të mërkurën në orën 16:00, në stadiumin e qytetit në Gjilan.
